تسجيل الدخول

Ads

facebook

 
 
 
 

اطباق رئيسية

المقادير:
فخد العنزي مقطع طراف متوسطين
ملعقة كبيرة زيت زيتون
2 فصوص ثوم محكوك
3 معالق كبار عصير الحامض
ملعقة صغيرة ازير
ملح
تحميرة
القليل فقط من البزار (من الاحسن يكون ابيض)
التزيين:
2 معالق كبار كاجو (اخضر غير مملح)
2 معالق كبار لوز( اخضر)
2 معالق كبار زبيب بلا عظم مغسول
الطريقة:
نخلطو جميع العناصر و نشرملو اللحم مزيان و نخليوه مرقد فالشرمولة ليلة كاملة.
في الغد نديرو اللحم في مول ديال الفران من الاحسن يكون ديال الزاج و ندردرو عليه من الفوق اللوز و الزبيب و الكاجو و ناخدو ورق المنيوم نديروه تحت المول و نجمعوه على المول كامل و نسدوه مزيان من الفوق يعني غدي نغطيو المول كامل بالورق (باش يطيب اللحم بالبخار) ثم ندخلوه للفران يطيب تقريبا مدة ساعة.

fakhid

المقادير:

بصلة كبيرة مشلضة 
الملح ـ 5فصوص ثوم ـ البزار
زعفران حر 
نصف كاس زيت المائدة أو زيت الزيتون 
2 معالق كبار زبدة.
للتحمار:
معلقة كبيرة زبدة 
معلقة كبيرة تحميرة 
فرماج محكوك
التزيين:
الزيتون الأخضر بدون عظم 
فرماج مربعات صغار 
كاشير مربعات صغار
الطريقة:
نخد الفخد نحيد ليه الشحمة الزايدة نشقوه 5 شقات ندخل فكل شقة فص ثوم مع الملح والبزاروالزعفران الحر.
نشلض البصلة نشحرها مع 2 معالق زبدة الملح البزار الزيت نزيد عليها الفخد .نحركه حتى يطيب على نار مهيلة نزولوه ندخله للفرن .

منين يكمل الطياب ندهنه بمعلقة 1 زبدة ومعلقة كبيرة تحميرة حتى يصبح دهبي نطفي النار. نرش عليه الفرماج المحكوك.
نخد عويدات الكيردون نعمل فيهم الزيتون +الكاشير+الفرماج ونغرسهم في الفخد. ندور عليه الخص والخضر المفورة.

mkwrmaasl

المقادير:
كيلو لحم بڭري (لملج)
2 بصلات متوسطين مشنفين
2 ضروس ثوم مح****ن
ربطة معدنوس مقبط
ربع كاس زيت
ملح
نصف م ص ابزار
نصف م ص اسكينجبير
شوية زعفران ملون
خرقوم بلدي
شوية زعفران حر
مسكة حرة مدقوقة
شوية السمن
بدرة 5 لوزات
ماء 
مقادير الكرنب :
نصف راس ديال المكور (الكرمب - الكرنب) مغسول مزيان و مقطع شنانف
2 م ك مربى البرتقال
3 م ك سنيدة
2 م ك زبدة
م ك مازهر
رشة ملح 
الطريقة:
نخلط جميع التوابل مع شوية الماء و نشرمل اللحم و نديروه في طنجرة و نزيد عليه البصلة و الثوم و الزيت و المعدنوس و الماء بلا مانقليه و نسد عليه يطيب على نار مهيلة , يطيب اللحم نزيد اللوز بدرة و نخلي المرق يعقد.
نفور الكرمب ثم ناخد مقلة نديرو فيها الزبدة و السكر و نحرك و منين يدوبو نزيد مازهر و نحرك ثم نزيد الكرمب و نحرك حتى يتعسل شوية الكرمب ثم نضيف المربى في الاخير و نحرك مزيان .
نضع اللحم في طبق او طجين مع المريقة خاترة ديالو و نزين من الفوق بالمكور معسل.

tajinhotzbib

المقادير:
حوتة كبيرة (من نوع باجو او لادوراد او الشرغو) مغسولة و مقطعة طراف متوسطين
نصف كيلو بصلة مقطعة شرائح
125 غرام زبيب مرطب في الماء
شوية معدنوس مقطع
ملعقة صغيرة سكينجبير
نصف ملعقة صغيرة ناقصة شوية ابزار
شوية خرقوم 
ملح
زعفران شعرة
نصف كاس مخلط زيت بلدية و مائدة
نصف كاس ماء
شوية قرفة غبرة
الطريقة :
نخلط المعدنوس مع التوابل و شوية الماء من نصف كاس اللي عندنا و نشرملو الحوت مزيان و نخليوه مرقد ربع ساعة ثم ناخدو طاجين نستفو فيه نصف مقدار البصلة و نستفو الحوت فوقها ثم نغطيوه بالنصف الباقي من شرائح البصلة و نديرو فوقها الزبيب و الشرمولة اللي بقات و نسقيوها بالزيت من الفوق بالملعقة ثم نزيدو الماء اللي عندنا و نرشو من الفوق بشوية القرفة و نسدو الطجين و نخليو الحوت يطيب على نار مهيلة و يشرب مزيان.

dchicha

المقادير:

الدجاج او الكورداس
1 ملعقة الابزار
1 ملعقة الخرقوم
1 ملعقة سكينجبير
1 ملعقة الزعفران
1 ملعقة الحلبة
الملح
الحمص مرطب
الزيت مخلط
العدس
الفول اليابس
ضامة البنة
2 فصوص التوم
1 كيلو الدشيشة

الطريقة:
الدجاج او الكرداس الى كان الدجاج يتغسل ويتسقطر نديروه فى الطنجرة مع التوابل وملى الطيب نضيفو العدس والفول وضامة البنة ملى توجد نزولوه.
نفورو الدشيشة 3 المرات فى المرة الاولى نحلوها بالماء غليان والمرة التانية كدلك بالماء غليان وشوية الزيت والمرة التالتة تسقى بالمرق اللى حضرنا.