تسجيل الدخول

Ads

facebook

 
 
 
 

شوارما بطريقة ساهلة و اقتصادية

chawsahla
المقادير:
صدر دجاج حسب الكمية اللي بغينا مقطع شرائح طويلة قد الاصبع و رقيقة (او لحم )
2 ضروس ثوم مدقوقين
2 بصلات مشلضين
2 مطيشات مقطعين صغار
شوية ديال المعدنوس
شوية الملح و البزار
ملعقة كبيرة زيت مائدة
ملعقة صغيرة عصير حامض
2 معالق طحينة (تحضر الطحينة بخلط كاس جنجلان مطحون مع نصف كاس زيت نباتية)
الطريقة:
ندير البصلة و الثومة و المعدنوس مع الزيت فوق النار يذبالو نزيدو الملح و البزار و الدجاج و مطيشة و نحرك مزيان و نخلي العناصر حتى تطيب و تنشف من الماء ثم نضيف الطحينة و عصير الحامض و نحرك و نزولوهم من فوق النار
السلطة:
خسة
مقدار من مطيشة مزولين ليها الزريعة و مقطعة بقشورها
خيارة 
ملعقة كبيرة ياغورت طبيعي
ملعقة طحينة
ملح
عصير نصف حامضة
نقطع الخضر حسب الشكل اللي بغينا و نخلطهم مع الياغورت و الطحينة و الملح و عصير الحامض
طريقة تحضير خبز الشاوارما:
كيلو فورص ممتاز
3 معالق كبار حليب غبرة
شوية ملح
ملعقة صغيرة زيت مائدة
ملعقة كبيرة خميرة خبز مذوبة في نصف كاس ماء مدة 2 دقائق
الطريقة:
نعجن العناصر عادي بحال الخبز او البطبوط و نخليها تخمر ساعتين و نصف نفرغ الهواء اللي فالعجينة و نعاود نردها تخمر ساعتين و نصف اخرى ثم نديروها كريصات صغار و نكرصهم نرققوهم مزيان باليد و منين نكمل نرجع للكريصة الاولى و نديروها تطيب اما فالشواية الكهربائية او فالفراح فوق الفاخر او فالمقلة الثقيلة و غير نحطوها فالمقلة دغيا نقلبها باش تنفخ و ماتديرش البويوقات و منين يطيب الخبز نسخن اللحم شوية و نعمرو بيه الخبيزات مع السلطة.